زوجة تكتب خطاب لزوجها المغترب

هناك قضية أسرية إجتماعية مهمة هي قضية إغتراب الزوج وتحميل الزوجات أعباء البناء من تربية وغيرها ، والتحيه لي كل الامهات وهن يعانين في تربية ابناءهم وياريت القصيدة دي تبقي عبره لي كل مغترب ويرجع لي بلدوا . التحيه لي الرائع حاتم حسن الدابي الذي نظم هذه الأبيات على لسان حال الزوجة الطيبة في شكل خطاب لزوجها المغترب .
(لسان الحال)معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع الصغار الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
*الكاتما فى جواى كتير متملك الجوف والعصـب…. وما كت دايرة أقولو ليـك لكن لسان الحال غلـبما بنسى يـوم ودعتـنا وسافـرت فى غـرة رجـب. …خلـيت وراك الـدار حـزين يتباكـا والدمع انسكـبأعذرنى والله العظيـم لو ما الضـرورة أنا ما كـتب…. وأنا خايفـة فى بعـدك يكون الضاع هو ضعف المكتسـباليوم داك ناس البلـــد هنونى شايقيــــــى وعرب…. قالو لى مبروك خير وجاك يكتب سلامــــتو الإغــتربقالو لى دوب نجم السعد طلاكى من بعـــــد إحتجــب…. يا دوبو بالك يستريح وتنسى العـــــــذابات والتعــــبفضّلت أحسب فى الشهور قاعدالى فوق نيران لهــب…. صابرة وحريصة على الولاد لابيقو للريح فى المهـبسديت خانتك مــن مشيت قايمـابو واجبــــى كأم وأب….والأســــرة يضنيها المسير .. وتتهاوى لو ما فيها ربوالله ما بنــــكر جميلك برضـــــــــو لينا ثناك وجب…. موكب هداياك ما انقطع .. كان سترة فى الزمـن الصعبلابسين وماكلين والنعيم كايلنا فى يوم ما نضب …..وعايشين معيشــــــــــــة المترفين .. طولنا والطبع إتخربالبيت مفرش بالحرير ومليانة إيدى بالدهب…. لكن خسارة على محل .. عاش سيدو خمســــــــــة سنين عزبالشى المهم ما قلتو ليك وليهو إنت ما ظنيت حسب…. كبرو الصغيرونين خلاص .. خايفالم الطبــــــــــع الكعبوصولوها مرحلة الخطر .. والأمن ما زال مستتب…. وانا كتّ قادراهم زمان لكـــــــــــــن بعد كبــــــرو اتغلبحصلنى قبل الجد يفوت .. دوبنهم فوق العتب…. قبال نحصـــــــــــــــد الخير ندم .. ومابيجدى كان لمت وعتبخايفالم الطيش فى الدروس .. ومابرضى لو واحد رسب…. خوفنى المتعبنى الكبيـــــــــر بعدين يمرقو بلا أدبوريتك الحاصل على لا فيهو ثورة ولا غضب ….شان الحديث مايبقى نى .. والواحــــــــــــــــــة يكتنفا الجدبأنا قلبى مازال لسة حى .. ونجمو الملاهج ماغرب….. وآخر كلامى ترد على .. لا أبقة بكـــــــــــــرة أنا السبب
ما كنت دايــــرة اقولو ليك .. لكن لسان الحال غلب ..